नेपाली कांग्रेसको १५औँ महाधिवेशनअन्तर्गत सुर्खेत निर्वाचन क्षेत्र नं. १ बाट ३५ वर्षमुनि युवा खुलातर्फ केन्द्रीय महाधिवेशन प्रतिनिधि पदमा मोहन राना विजयी हुनुभएको छ।
रानाले ७२२ मत प्राप्त गर्दै युवा खुलातर्फ सर्वाधिक मतसहित विजयी हुनुभएको हो। उहाँको यो विजयलाई नेपाली कांग्रेसभित्र युवा पुस्ताप्रतिको आकर्षण र नेतृत्वमा युवाको सहभागिताका रूपमा समेत हेरिएको छ।
निर्वाचनमा उल्लेख्य मत प्राप्त गर्दै महाधिवेशन प्रतिनिधिमा निर्वाचित हुनुभएका रानालाई समर्थक, शुभेच्छुक तथा कांग्रेसका नेता–कार्यकर्ताहरूले बधाई तथा सफल कार्यकालको शुभकामना व्यक्त गरेका छन्।
महाधिवेशन प्रतिनिधिका रूपमा निर्वाचित भएसँगै रानाले पार्टीको आगामी महाधिवेशन तथा संगठनात्मक गतिविधिमा युवा पुस्ताको आवाजलाई प्रभावकारी रूपमा प्रस्तुत गर्ने अपेक्षा गरिएको छ। पछिल्लो समय नेपाली कांग्रेसभित्र संगठनलाई थप सुदृढ बनाउन, युवालाई नेतृत्वमा स्थापित गर्न तथा नयाँ पुस्ताको सहभागिता बढाउनुपर्ने विषय उठिरहेका बेला रानाको विजयलाई त्यही सन्दर्भमा महत्वपूर्ण रूपमा हेरिएको छ।
सुर्खेत क्षेत्र नं. १ बाट युवा खुलातर्फ सर्वाधिक मत प्राप्त गर्नुले उहाँप्रति क्षेत्रीय प्रतिनिधिहरूको विश्वास र समर्थन देखाएको छ। आगामी दिनमा पार्टी संगठन, युवा सहभागिता, सामाजिक सरोकार तथा जनताका सवालमा उहाँले निर्वाह गर्ने भूमिकालाई चासोका साथ हेरिएको छ।
यसैबीच, महाधिवेशन प्रतिनिधिमा निर्वाचित मोहन रानालाई हार्दिक बधाई तथा सफल कार्यकालको शुभकामना व्यक्त गर्दै आगामी दिनमा नेपाली कांग्रेसको केन्द्रीय सदस्य पदका लागि समेत अग्रिम शुभकामना व्यक्त गरिएको छ।
हार्दिक बधाई मोहन राना ज्यु!
सफल राजनीतिक यात्रा तथा उज्ज्वल भविष्यको शुभकामना।
